Ҳиндистоннинг Чатра қишлоғида инсонни ҳайратга солувчи ажойиб воқеа юз берди. Бу ерда яшовчи она фил лой ва сув аралашган эски қудуқнинг ўрнида пайдо бўлган чуқурчага тушиб кетган боласини тўхтовсиз 11 соат давомида қутқаришга урунди. Гувоҳларнинг айтишларича, она фил боласини аввалига ҳартуми билан тртиб чиқармоқчи бўлган, уни чиқаришнинг имкони бўлмагач, оёқларини боласига қарата чўзган, бироқ кучи етмаган.
Шундан сўнг, у бор овози билан бақириб, атрофдагиларни ёрдамга чақира бошлаган. Атрофда йиғилганлар ва мутахассислар она филни чалғитишга уруниб, чўнқирни каттароқ қазишга ҳаракат қилишган. Фақат шундан сўнггина она фил боласини ҳартуми ёрдамида чуқурчадан чиқариб олишга муваффақ бўлган.
