Молия вазирлигининг махсус хабарномаси эълон қилинди. Унга кўра, қабул қилинган қарорга асосан жорий йил охирига қадар спирт, алкоголь маҳсулотлари, шу жумладан вино ва пиво, шунингдек охирги истеъмолчига сотиладиган бензин, дизел ёқилғиси ҳамда суюлтирилган ва сиқилган газга амалдаги акциз солиқ ставкалари сақланиб қолиниши белгиланди.
Маълумот учун: “2020 йил учун Ўзбекистон Республикасининг Давлат бюджети тўғрисида”ги Ўзбекистон Республикаси қонунига асосан жорий йилнинг 1 апрелидан бошлаб акциз солиқ ставкаларининг оширилиши кўзда тутилган эди.
