Энди ЖАР алоқа ва коммуникациялар вазири 2 ойгача ўз лавозимида ишлай олмайди. Масъул раҳбар бўла туриб қатъий карантин тартибига амал қилмагани ва дўсти билан бирга тушлик қилгани сабабли унга 2 ой таътил берилди. Таътил давомида вазирга бир сўм ҳам ҳақ тўланмайди. Бу ҳақда ВВС Swahili нашрига таяниб, regnum.ru хабар берди.
Гап шундаки, Стелла Ндабени-Абрахамснинг дўсти билан овқатланаётган расмлари ижтимоий тармоқда тарқалган ва бунга фуқаролар эътироз билдирган. Натижада ҳукумат вазирни жазолашга мажбур бўлган.
Албатта, ҳар қандай ишда раҳбарлар фуқароларга ўрнак бўлишлари керак. Агар улар ўзи қоидага амал қилмаса фуқароларни ҳам бунга даъват қила олмайди...
Эслатиб ўтамиз, ҳозирда Жанубий Африка Республикасида коронавирус билан арарланиш бўйича 1 749 ҳолат аниқланган. COVID-19 билан боғлиқ 17 та ҳолат беморнинг вафоти билан тугаган.
