Хитойда коронавирус инфекциясининг кенг тўлқини қайта авж олиши мумкинми? Эпидемиологлар бу ҳақда нима демоқда? Маълум бўлишича Хитойда коронавируснинг бошқа давлатлардан кириши ҳисобига қайта эпидемиологик ҳолатни юзага келтириши эҳтимоли жуда кам. Бу ҳақда «РИА Новости» хабар қилди.
Экспертнинг айтишича, вируснинг Европа мамлакатлари, Америка ва ҳатто Жануби-Шарқий Америкадан кириб келиши ва тарқалиши хавфи мавжуд, чунки ушбу минтақалардан келган беморларда яна касаллик ҳолатлари аниқланмоқда.
«Хитойда касаллик яна авж оладими, яъни бирор маҳаллий ёки ундан каттароқ миқёсда бўладими, масалан, оилада, мактабда ёки бир гуруҳ одамларда, ўйлашимча, бундайин эҳтимол жуда паст. Хитойда, ҳар бир алоҳида турар жой майдонида ва уйнинг даражасига қадар жуда қаттиқ профилактика чоралари кўрилмоқда», — дейди эксперт.
Эпидемиологнинг таъкидлашича, Хитойда барча ниқоб тақиб юрибди, мулоқот вақтида масофага риоя қилмоқда, бундан ташқари, бирор кишининг тана ҳарорати кўтарилса ёки бошқа белгилар пайдо бўлса, тезкорлик билан маълум қилиниб, изоляцияга олиняпти.
«Шу сабабли бундай шароитда касалликнинг тарқалиш эҳтимоли жуда паст, лекин, албатта, хавф бор», — дея таъкидлайди Чжун Наншан.
