Туркиялик 23 ёшли Ҳасан Қизил ўзининг ойлик маошини турли ҳайвонларга протез ясаш учун сарфлайди. Хонакими ёки ёввойими фарқи йўқ, ёрдам бераверади. Бу йигитнинг ҳаёти жуда ҳам таъсирли-а?
Ундаги ҳайвонларга бўлган эътибор итни молхона олдига занжирлаб, касал-ўсал бўлганда қопга солиб бўғиб ўлдиришни одат қилган баъзи юртдошларимизга намуна бўлади деган умиддамиз.
Яқинда Ҳасан тирноғи синган бургутга 3D принтерида протез ясаб берган. Шундан сўнг бургут яна уча бошлаган.
Ҳасан шу вақтгача 300дан ортиқ ҳайвонга ёрдам берган. Туркия ҳукумати унга махсус мукофот ҳам берди. Маҳалла аҳли уни “Ҳаётни қутқарувчи” дея номлаган.
Исломда нафақат инсонларга, балки ҳайвонот ва набототга ҳам ёрдам бериш улуғ савоб экани айтилган.
