Россия президенти Путин Ким Чен Инни медал билан тақдирлади.
КХДР раҳбари Ким Чен Ин “1941-1945 йиллардаги Улуғ Ватан урушидаги Ғалабанинг 75 йиллиги” юбилей медали билан тақдирлангани ҳақидаги хабарни КХДРдаги Россия элчихонаси Facebook`даги саҳифасида маълум қилди.
Ким Чен Ин “Россия Федерацияси Президентининг фармонига биноан КХДР Давлат Кенгаши Раиси Шимолий Корея ҳудудида вафот этган ва дафн этилган Совет фуқароларининг хотирасини абадийлаштиришга қўшган катта ҳиссаси учун тақдирланган.
Ким Чен Инга “1941-1945 йиллардаги Улуғ Ватан урушидаги Ғалабанинг 75 йиллиги” юбилей медали тақдим этилди", дейилади элчихона хабарида.
Маълум қилинишича, Россиянинг КХДРдаги элчиси Александр Метсегора медални КХДР ташқи ишлар вазири Ли Сонг Гвонга топширган. Сўнгра Россия-КХДР ўртасидаги алоқалар ҳақида суҳбатлашилган.
