Ҳудудларни ривожлантириш дастурларини бутунлай ўзгартирилади. Энди дастурларни ишлаб чиқиш ҳар бир қишлоқни ривожлантиришдан бошланади.
Бунинг учун қуйидаги йўналишларда аниқ ишлар ташкил этилади:
Биринчи йўналиш – саноатни ривожлантиришда мавжуд хом ашё чуқур қайта ишланади, ҳар бир қишлоқ, маҳалла ва туман ихтисослаштирилади.
Иккинчи йўналиш – жойларда инвестицион ва туристик салоҳият оширилади, сервис хизматларини яхшилаш учун инфратузилма объектлари ривожлантирилади.
Учинчи йўналиш – қишлоқ хўжалигида маҳсулот ишлаб чиқаришни кўпайтириш асосида озиқ-овқат хавфсизлигини таъминлаш чоралари кўрилади.
Бу ҳақда 2020 йил 7 май куни Президент Шавкат Мирзиёев раислигида Андижон, Навоий ҳамда Сурхондарё вилоятлари туман ва шаҳарларининг иқтисодий салоҳиятини ошириш чора-тадбирлари бўйича бўлиб ўтган видеоселектор йиғилишида айтиб ўтилди.