"Самарқанд" автошоҳбекатида турган фуқаро елкасидан туртиб кетган "Дамас" ҳайдовчисини юзига бир мушт уриб, ўлдириб қўйди

ЖИНОЯТ 04.06.2020, 18:43
"Самарқанд" автошоҳбекатида турган фуқаро елкасидан туртиб кетган "Дамас" ҳайдовчисини юзига бир мушт уриб, ўлдириб қўйди

Самарқандда арзимаган сабаб билан бошланган жанжал ўлим билан якунланди, дея хабар берди ИИВ ҳузуридаги Тергов департаменти. 

Келтирилишича, 2020 йилнинг 31 май кунидан 1 июнь кунига ўтар кечаси соат 23:30 да фуқаро 27 ёшли Д.Р., Нарпай тумани Сарбозор маҳалласида жойлашган “Мирбозор” савдо бозорининг олдидаги “Самарқанд” автошоҳбекатида Навоий вилоятидан келаётган почтани кутаётган вақтида, 47 ёшли Ш.У., ўзининг бошқарувидаги “Damas” русумли автомашинасида келиб, фуқаро Д.Р.,нинг ўнг елкасидан туртиб ўтади. Бунинг натижасида юзага келган жанжалда фуқаро Д.Р., қўли билан ҳайдовчи Ш.У.,нинг юзига бир маротаба урган вақтида Ш.У., ердаги тошга йиқилиб тан жароҳати олган.

Ш.У., олган тан жароҳатлари билан Нарпай туман тиббиёт бирлашмасига мурожаат қилган.

Ҳолат бўйича Нарпай тумани ИИБ ҳузуридаги Тергов бўлими томонидан Д.Р.,га нисбатан Ўзбекистон Республикаси Жиноят кодексининг 104-моддаси 1-қисми билан жиноят иши қўзғатилган (Қасддан баданга оғир шикаст етказиш).

2020 йилнинг 02 июнь куни соат 11:30 да Ш.У., кўрсатилган тиббий муолажаларга қарамай туман тиббиёт бирлашмасида вафот этган.

Шу сабабли жиноят иши ЖКнинг 104-моддаси 3-қисми “д” бандига (жабирланувчининг ўлимига олиб келган қасддан баданга оғир шикаст етказиш) қайта малакаланган. Р.Д., гумон қилинувчи тариқасида жалб қилиниб, процессуал тартибда ушланган. 

Ҳозирда дастлабки тергов ҳаракатлари давом эттирилмоқда. 

 

Шарҳлар

Об-ҳаво: Тошкент
Валюта курси
1