АОКА залида бўлиб ўтган матбуот анжуманида Коронавирусга қарши кураш штаби аъзоси Ҳабибулло Оқилов Ўзбекистондаги эпидемиологик вазият, коронавирусдан ўлим кўрсаткичининг ўсиб бориши, статистик рақамлар ҳақидаги саволларга жавоб қайтарди. Хусусан, унинг маълум қилишича, пандемиянинг илк кунларида Вирусология институти клиникаси ва Микробиология ва инфецион касалликлар эпидемиологияси институти клиникаси ихтисослаштирилган. Вилоятларда эса барча инфецион касалликлар клиникалари ихтисослаштирилган. Ҳозирги кунга келиб Тошкентнинг ўзида 16 та клиника коронавирус билан курашмоқда. Шунингдек 5та провизор клиникаларида ҳам касаллик енгил ва ўртача кечаётган беморларни даволанмоқда.
"Зангиотадаги махсус клиника эса очилганига бир ҳафта бўлмасдан беморларга тўлиб бўлди", - дея қўшимча қилди Ҳабибулло Оқилов.
