Bosh prokuratura tomonidan muttasaddi idoralar bilan bilan birgalikda O`zbekiston Suzish federasiyasida sohaga ajratilgan mablag`larning maqsadli ishlatilishi o`rganildi. Bu haqda Bosh prokuratura matbuot xizmati xabar qildi.
O`rganishda, Federasiya mansabdor shaxslari va boshqalar mansab vakolatlarini suiiste`mol qilib, juda ko`p miqdorda jamiyat manfaatiga zarar etkazishgan.
Xususan, terma jamoa hamda uning zaxirasi tarkibiga kiritilmagan fuqaro Rossiya Federasiyasining Volgograd shahrida o`tkazilgan xalqaro yig`inga yuborilib, 72 mln. so`m byudjet mablag`lari asossiz ishlatilgan.
Shuningdek, 2021 yilning oktyabr-dekabr oylarida jami 287 nafar sportchi “D” MChJga qarashli mehmonxona xizmatidan foydalanmagan bo`lsalarda, foydalanganlik haqida elektron hisob-fakturalarga soxta yozuvlar kiritgan holda 1 mlrd. so`mlik pul mablag`i talon-toroj qilingan.
Mazkur holatlar bo`yicha jinoyat ishi qo`zg`atilib, dastlabki tergov harakatlari olib borilmoqda.
Eslatib o`tamiz, sal avval O`zbekiston Karate milliy federasiyasi va Voleybol federasiyasi mansabdorlari ham davlatning katta miqdordagi mablag`larini talon-toroj qilgani xabar qilingan edi.
