Қурбон ҳайити куни Туркия қурбонлик гўштини учта қитъада жойлашган 23 мамлакатда ва 34 минтақада тарқатди.Бир миллионга яқин одам қурбонлик гўштини «Deniz Feneri» ташкилоти орқали олди. Таъкидланишича, бу йил турк кўнгиллилари коронавирус инфекцияси пандемияси туфайли бошқа мамлакатларда қурбонлик гўштларини тарқатишда шахсан иштирок эта олишмади. Шу муносабат билан қурбонлик хорижий мамлакатлардаги ҳамкор ташкилотлар орқали уюштирилди. Бу ҳақда Мухлис.уз ёзмоқда.
Африкада Дениз Фенери ҳам аҳолининг турмушини яхшилашга қаратилган қатор лойиҳаларни амалга оширмоқда: масжидлар, қудуқлар, ўқув марказлари, меҳрибонлик уйлари қурилмоқда. Тўқнашувлар, урушлар ёки қурғоқчилик давом этадиган минтақаларга кўпроқ эътибор берилади. «Deniz Feneri» бу йилги Қурбон ҳайитида Мянмадаги Аракан штатининг Ситтве шаҳридаги роҳинжа мусулмонларига қурбонлик гўштини тарқатди. Бундан ташқари, қурбонлик гўшти Сурия, Фаластин, Ироқ, Ливан, Сурия, Яман, Покистон ва Босния ва Герцеговинадаги муҳтож оилалар томонидан қабул қилинди, деб хабар беради Anadolu агентлиги.
