Ёш ўтиши билан хотира ва диққат сусайиши табиий ҳолат. Аммо олимлар кундалик одатлар орқали мия фаолиятини узоқ вақт сақлаб қолиш мумкинлигини таъкидламоқда. BBC эълон қилган тадқиқотга кўра, кундалик оддий одатлар мия фаолиятини узоқ йиллар давомида фаол сақлашга ёрдам беради.
Олимлар мияни ёш сақлашнинг 3 оддий усулини айтди:
Биринчи усул, фазовий фикрлашни ривожлантириш — янги йўналишларда юриш, манзилни навигаторсиз топиш ва атрофни эслаб қолиш мия учун фойдали.
Иккинчи усул, ижтимоий фаол бўлиш — одамлар билан суҳбатлашиш, дўстлар билан учрашиш ва жамоавий машғулотлар мияни фаол ишлатади.
Учинчи усул доимий ўрганиш — янги тил, мусиқа, китоб ўқиш ёки янги ҳобби миядаги нерв боғланишларини мустаҳкамлайди.
Олимлар фикрича, инсонга ёқадиган ва мунтазам бажариладиган машғулотлар мия қаришини секинлаштиришда энг самарали усул ҳисобланади.
