Филиппин президенти Родриго Дутерте Россиянинг коронавирусга қарши вакцина яратиш бўйича олиб бораётган ишлари мақтовга сазовор эканлигини таъкидлаб, унинг синовларида Филиппин ҳам қатнашишни хоҳлаётганини айтди. Бу ҳақда таржумон.уз хабар берди.
Москва Филиппинга вакцина етказиб беришни таклиф қилган ва Дутерте бу таклифни хурсандчилик билан қабул қилган. Филиппин президенти рус вакцинасининг текинга етказиб берилишига умид қилмоқда.
Бугун Россия президенти Владимир Путин дунёдаги биринчи коронавирусга қарши вакцина рўйхатдан ўтказилганини маълум қилди. Россия Филлиппинга вакцина етказиб бериш ёки Филлиппининг ўзида катта миқдорда вакцина ишлаб чиқаришга тайёрлигини маълум қилган.
Ҳозирда Филиппин Осиёдаги коронавирус энг кўп тарқалган мамлакатлардан бири бўлиб, бу ерда 136 638 киши ушбу инфекцияни юқтириб олган ва уларнинг 6958 нафари вафот этган.
“Мен президент Владимир Путинга айтаманки, мен сизнинг CОVID-19 га қарши курашда олиб бораётган ишларингизга жуда қаттиқ ишонаман. Сиз ишлаб чиқарган вакцина ҳақиқатда инсоният учун жуда фойдали иш бўлди” деди Дутерте душанба куни.
Ҳозирда дунё бўйлаб жадал суръатда кетаётган вакцина яратиш пойгаси баъзи хавотирларни ҳам келтириб чиқармоқда. Масалан, вакцина яратмоқчи бўлаётган мамлакатлар биринчи навбатда унинг хавфсизлигига эмас, балки уни тезкорлик билан яратиб ўзларининг обрўларини оширишга ҳаракат қилмоқдалар, деган қарашлар ҳам мавжуд.
Дутерте Филиппин аҳолисининг Россия вакцинаси борасидаги шу каби қўрқувларини бартараф этиш учун ўзи биринча галдаги “тажриба қуёнчаси” бўлишини айтди.
“Мен тажриба ўтказиладиган биринчи одам бўлишим мумкин” деган Дутерте.
