Жорий йилнинг 17 августидан кўплаб ижтимоий-иқтисодий соҳалар қатори жамоат транспорти (метрополитендан ташқари) ҳаракати қайта тикланиши ҳақида хабар берган эдик. Бироқ, кенг жамоатчиликнинг талабидан келиб чиқиб 17 август эмас 15 августдан жамоат транспортининг барча тури, шу жумладан Тошкент метрополитенининг ер ости қисми ҳамда йўналишли таксилар ҳам ўз ҳаракатини бошлайди. Албатта, жамоат транспортидаги ҳаракатланишда ҳар тарафлама карантин талаблари риоя этилиши қатъий назоратга олинади.
Тошкент шаҳридан Тошкент вилояти ҳудудига чиқувчи барча автобус йўналишлари фаолияти ҳам қайта тикланади.
Йўл ва транспортда юрганда карантин талаблари бўйича белгиланган барча меъёрларга амал қилинг. Зеро, биргина эътиборсизлик туфайли касаллик қайта авж олишига сабаб бўлманг, дея муҳим ўзгаришни эълон қилди "Тошшаҳартарнсхизмат"
