Бош прокуратура ҳузуридаги Департаментнинг Нурота туман бўлими терговга қадар текширув ўтказди. Бу ҳақда Бош прокуратура Даракчига хабар берди.
Унда, тумандаги “А” номли МФЙ раиси Д.Х. томонидан яшаш учун уй-жойи бўлмаган ҳамда эҳтиёжманд оила тоифасига киритилган икки нафар фуқарога хонадон сотиб олиш учун бюджетдан ажратилган маблағлардан 28,5 млн сўмини уй-жойни таъмирлаб беришга ваъда қилган ҳолда фирибгарлик йўли билан қўлга киритиб, ўз эҳтиёжлари учун ишлатиб юборганлиги аниқланган.
Терговга қадар текширув давомида маҳалла раиси Д.Х. қилган ишидан пушаймонлик билдириб, етказилган зарарнинг 19 млн сўмини ўз ихтиёри билан қайтарганлиги процессуал расмийлаштирилган.
Мазкур ҳолат юзасидан Д.Х.га нисбатан Жиноят кодексининг
168-моддаси 2-қисми “а” банди билан жиноят иши қўзғатилиб, тергов ҳаракатлари ўтказилмоқда.
