Соғлиқни сақлаш вазирлиги Жамоатчилик билан алоқалар бўлими томонидан Германиялик мутахассис Вернер Бэр билан қилинган суҳбат(3-қисм) эълон қилинди.
Хорижлик мутахассиснинг таъкидлашича, “COVID-19”нинг олдини олишда энг яхши профилактика соғлом турмуш тарзига амал қилишдир.
"-- Бундан бошқа аъло профилактика мавжуд эмас, деб ўйлайман. Чунки “COVID-19” нафас олиш йўлларида бошланадиган инфекция. Aгар сиз ўпкангизни яхши парвариш қилсангиз, яъни доимий жисмоний машқлар билан уни шуғуллантириб турсангиз, инфекциянинг организмда ривожланиш имкони пасаяди. Бир сўз билан айтганда, спорт билан шуғулланиш ва чекмаслик лозим, дейди мутахассис.
Вернер Бэрнинг айтишича коронавирусни енгиш учун жамоавий иммунитетни ҳосил қилиш ҳам бир вариант.
--- Aммо бу хавфли йўл. Бу кўплаб одамларнинг ҳаётини хавф остига қўйиш дегани, - дейди у. - Катта миқдордаги одамларнинг касалланиши, даволаниши ва иммунитет ҳосил қилиши учун бир неча йиллар керак бўлади. Шунингдек, агар эпидемияни олдини олмасак, инфекция логарифмик шкала бўйича ривожланади. Охир оқибат, янги касалланиш ҳолатларининг шу қадар ортишига олиб келиши мумкинки, клиникалар беморларни даволашни эплай олмай қолади. Аксинча, пандемияни назоратда ушлаб, кўпроқ вақт давомида камроқ одамларнинг касал бўлишига эришишимиз лозим.
У оламни “COVID-19”дан фақат вакциналарнинг ишлаб чиқилиши ва қўлланилиши ҳалос қилиши мумкин, деган фикрни айтган.
- -- Аввалига вакциналарни яратиш учун йиллар керак бўлиши айтилди, аммо уларни ишлаб чиқилишини секинлаштирувчи барча бюрократик ҳолатлар тезлаштирилди. Шунинг учун ҳам вакциналарнинг тез суръатда яратилиши ва қўллашга киришилиши уларга ишончсизлик билан қараш керак дегани эмас. Ҳар қандай вакцина барча тегишли тадқиқот ва синовлардан ўтгандан кейингина қўллана бошлайди.
