Камерун шимолидаги Колофат шаҳрида теракт юз берди. Бу ҳақда “Lenta.ru” хабар бермоқда.
Дастлабки маълумотларга кўра, худкуш террорчининг ўзини портлатиб юбориши оқибатида камида 10 киши ҳалок бўлган. Ҳукумат вакилларининг таъкидлашича, терактда “Боко Харам” террорчилик гуруҳи жангариларининг қўли бор.
Махсус хизмат ходимлари ҳужумни аслида икки террорчи содир этиши режалаштирилганини аниқлаган. Портлаш бўлган ҳудудда яна бир ишламай қолган портловчи мослама топилган. Уни портлатиши керак бўлган террорчи эса воқеа жойидан қочиб кетган.
Мамлакат алоқа вазири Исса Чирома Бакари ҳам терак ҳақидаги маълумотни тасдиқлаган ҳолда, унинг оқибатида камида 27 киши жароҳатланганини таъкидлаган.
