Интернет тармоғида “Бир ўлимдан қолган синглим ҳозир шифохонада ётибди...” номи остида видеолавҳа тарқалди.
Унда Андижон вилояти Хўжаобод туманига турмушга чиққан аёлни эри 9 йилдан буён уриб-дўппослаб, таҳқирлаб келгани айтилган. Ҳозирда аёл ота уйида яшаб келаётгани, эриникида қолган кийим-кечакларини олгани борганида уни эри қаттиқ калтаклаган. Мурожаатда ушбу ҳолатни ваколатли идоралар томонидан қонунан, адолатли кўриб чиқилиши сўралган.
ИИВ ҳузуридаги Тергов департаментининг расмий маълумотига кўра, ҳақиқатдан ҳам аёл эрининг уйига фарзандининг кийим кечакларини олиб кетиш учун борган вақтида, турмуш ўртоғи Қ.К., билан ўзаро жанжаллашганлиги натижасида унинг бош қисмига ёғоч билан уриб тан жароҳати етказилган. Шу вақтда ҳовлидаги шовқинга Қ.К., нинг укаси И.К., чиқиб, Қ.К., ни қўллари билан танасининг турли жойларига уриб, ҳовлида бўлган таёқ билан уни бош қисмига уриб тан жароҳати етказган.
Суд тиббий экспертиза хулосасига кўра, Г.К. ва Қ.Қ., лар соғлиқни бузилишига олиб келган “енгил” тан жароҳатларини олганлиги аниқланган.
Ҳолат юзасидан Хўжаобод тумани ИИБ ҳузуридаги Тергов бўлинмаси томонидан Ўзбекистон Республикаси Жиноят кодексининг 109-моддаси 2-қисми (қасддан баданга енгил шикаст етказиш) билан жиноят иши қўзғатилган. Ҳозирда тергов ҳаракатлари давом этмоқда.
