Коронавирус бўйича дунёда вазият қандай? Бу ҳақда интернетдаги манбаларга таяниб Коронавирус.инфо хабар берди.
ЖССТ пандемия миллионлаб инсонларнинг руҳий саломатлигига таъсир кўрсатганини таъкидлади. Ташкилотга кўра, карантин туфайли жорий қилинган ижтимоий муносабатларни чекловчи чоралар руҳиятга «чуқур таъсир»ни келтириб чиқарган — РБК.
Испания ҳукумати олти ёшдан ошган ўқувчилар учун ниқоб тақиш мажбурий эканини маълум қилди — El Pais
АҚШ «Abbott Laboratories» билан коронавирус бўйича 150 миллион экспресс-тест ўтказиш бўйича шартномани эълон қилди. Битимнинг умумий қиймати 750 млн. АҚШ доллари. Бир дона тестнинг нархи 5 доллар этиб белгиланди. Тест натижаси 15 дақиқадан сўнг чиқади — WSJ
Пайшанба куни Лотин Америкасида коронавирус билан касалланиш ҳолатлари 7 миллиондан ошди. Минтақада энг кўп зарарланиш ҳолати Бразилияда қайд этилган — 3 761 391. Бразилиядан кейинги ўринларда Перу, Мексика, Колумбия ва Чили қайд этилган.
АҚШда 19 сентябргача 200 000 дан ортиқ коронавирус қурбонлари бўлиши прогноз қилинмоқда – CNN
ЖССТга кўра, коронавирус тестлари нафақат симптомсиз беморларни, балки бошқа шахслар билан мулоқотда бўлганларни топиш учун ҳам керак. Аввалроқ, АҚШ симптомсиз инсонлар тест топшириши шарт эмас, деган хулосага келганди. Бироқ, ЖССТнинг янги кўрсатмалари бунинг аксини айтмоқда.
