Хитойнинг қайта фойдаланиш мумкин бўлган илк космик кемаси икки кун орбитада бўлганидан кейин 6 сентябрь якшанба куни Ерга қўнди. Бу ҳақда Таржумон ёзмоқда.
Хитой ҳукуматининг маълум қилишича, бу операция коинотга арзонроқ бўлган парвозларни амалга оширишда олдинга қўйилган қадам бўлган.
Хитой ҳарбий кучларининг фазога амалга оширган ушбу сирли дастуридаги ракета ҳақида жуда оз маълумотлар эълон қилинди холос. Давлат ахборот агентликлари ҳали ракетанинг расмларини нашр қилишгани йўқ. Шунингдек, унинг ҳажми қанча экани ҳам ҳозирча номаълум.
Ушбу ракета жума куни Хитойнинг шимоли-ғарбий ҳудудида жойлашган “Jiuquan” номли сунъий йўлдош учириш марказидан фазога йўл олганди.
Синҳуа ахборот агентлигининг хабарига кўра, мазкур парвоз Хитойнинг қайта ишлатиш мумкин бўлган фазо кемалари бўйича илмий изланишлардаги муҳим ҳодиса бўлган. Бу операция келажакда коинотга чиқишнинг қулайроқ ва арзонроқ бўлган йўли борлигини кафолатлайдиган ҳолатдир.
Хитой ўзининг астронавтини илк бор 2003 йилда коинотга учирган ва дастлабки фазо станциясини очганди. Бу операцияда робот машина ойга қўндирилган. Ҳозирда бошқа бир робот машинани олиб кетаётган космик текширув ракетаси Марс сайёраси томон ҳаракатланмоқда.
