Бугундан Тошкентдаги бир неча умумтаълим мактабларида Республика махсус комиссияси томонидан белгиланган санитария-гигиена талаблари асосида таълим жараёнлари бошланди. Бу ҳақда Тошкент шаҳар ҳокимлиги Матбуот хизмати хабар бермоқда.
Ушбу мактабларнинг барчаси мукаммал таъмирдан чиққан бўлиб, замонавий кўриниш, шароит ва қулайликларга эга. Янги ўқув йилига тайёргарлик доирасида таълим ўқувчилар орасида масофа сақлаган ҳолда олиб борилиши учун барча чоралар кўрилган.
Эслатиб ўтамиз, Халқ таълими вазири Шерзод Шерматов мактаблар очилиши борасида фикр билдириб, бу бўйича қарорни фақатгина барча шаҳар ва туманларнинг маҳаллий Кенгаш депутатлари мактабларнинг ҳақиқий тайёрлиги, ҳудуддаги санитария-эпидемиологик ҳолат ва соғлиқни сақлаш тизими имкониятидан келиб чиқиб, қабул қилишини айтиб ўтган эди.
Ушбу ҳафтада очилиши режалаштирилган умумтаълим мактаблари ҳақидаги маълумот жадвалда келтирилган.
Тошкент шаҳар халқ таълими бош бошқармаси тасарруфидаги мукаммал таъмирланган умумтаълим мактабларини тантанали очиш ЖАДВАЛИ
| № | Туман номи | Мактаб рақами | Муассасанинг тантанали очиш муддати | |
| Куни | Соати | |||
| Бектемир | 289 | 09.09.2020 | 10:00 | |
| Сергели | 266 | 09.09.2020 | 12:00 | |
| Учтепа | 295 | 09.09.2020 | 14:00 | |
| Шайхонтоҳур | 40 | 09.09.2020 | 16:00 | |
| Юнусобод | 97 | 10.09.2020 | 10:00 | |
| Миробод | 158 | 10.09.2020 | 12:00 | |
| Яшнабод | 255 | 10.09.2020 | 14:00 | |
| Олмазор | 219 | 10.09.2020 | 16:00 | |
| Сергели | 285 | 11.09.2020 | 10:00 | |
| Яшнабод | 226 | 11.09.2020 | 12:00 | |
| Учтепа | 312 | 11.09.2020 | 14:00 | |
| Юнусобод | 220 | 11.09.2020 | 16:00 | |
| Олмазор | 22 | 12.09.2020 | 10:00 | |
| Учтепа | 129 | 12.09.2020 | 12:00 | |
| Шайхонтоҳур | 102 | 12.09.2020 | 14:00 | |
| Юнусобод | 117 | 12.09.2020 | 16:00 | |
Ушбу мавзудаги қўшимча маълумотлардан яна хабардор қиламиз, дейилади ҳокимлик хабарида.
