Корея Республикасидаги Ўзбекистон элчиси Виталий Фен "Дўстлик элчиси – 2020" мукофоти билан тақдирланди. Мукофот Сеул шаҳрида тантанали топширилди.
"Дунё" АА хабар беришича, Виталий Фен ушбу мукофотга Ўзбекистон ва Жанубий Корея ўртасидаги дўстона муносабатларни мустаҳкамлаш борасидаги саъй-ҳаракатлари ва самарали фаолияти учун муносиб топилди.
Тақдирлаш маросимида Жанубий Корея дўстлик ва маданият элчилари уюшмаси президенти, нуфузли "NDNnews" журнали раиси ва ношири Шин Хюн Ду самарали дипломатик фаолияти учун Виталий Фенга ҳурмат бажо келтирди.
Ўзбекистон Президенти Фармони билан 2018 йил август ойида Виталий Фен дипломатик хизматдаги самарали фаолияти ва улкан хизматлари учун “Фидокорона хизматлари учун” ордени билан мукофотланган эди.
