Қарши халқаро аэропорти Москвадан келган ва карантинга олинмайдиган рейсни қабул қилди, дея хабар қилади Nasafnews.
Авиақатнов 18 сентябрь куни хорижий Red Wings авиакомпанияси томонидан амалга оширилган. Мазкур рейс Россия Федерацияси Москва шаҳрининг Домодедово аэропортидан 220 нафар ҳамюртларимизни ватанга қайтариб олиб келиш дастури асосида бажарилди.
Илк бор фуқаролар карантинга олинмади. Улар коронавирус инфекцияси тарқалишининг олдини олиш мақсадида 14 кун ичида уй ёки меҳмонхоналарда ўзини-ўзи яккалаш талаб этилади.