Маҳалла ва оилани қўллаб-қувватлаш вазири Раҳмат Маматов ва унинг ўринбосарлари Ботир Парпиев ҳамда Азизбек Икромовда коронавирус инфекцияси аниқланди. Бу ҳақдаги хабарларни вазирлик матбуот хизмати тасдиқлаган.
Вазирлик хабарига кўра, ҳозирда раҳбарлар стационар даволанишга ётқизилган ва тегишли даволаш муолажаларни олмоқда. Уларнинг аҳволи қониқарли экани маълум қилинди.
Маълум бўлишича, олдинроқ вазирнинг биринчи ўринбосари — Гулнора Маъруфова коронавирусга чалиниб, даволаниб чиққан. Ҳозирда у иш фаолиятини давом эттирмоқда.
