Гулчеҳра Қипчоқова имконияти чекланган бўлишига қарамай, Миришкор тумани далаларида кунига 100-120 килограмгача пахта териб, оилавий даромадларини оширишга ҳаракат қилмоқда, дея хабар бермоқда Қашқадарё вилояти ҳокимлиги Матубот хизмати.
Маълум бўлишича, у бахтсиз ходиса сабаб бир қўлидан айрилган.
Яна бир хушхабар: Гулчеҳа шу йил Низомий номидаги Тошкент давлат педагогика университетининг Шаҳрисабз филиали талабаси бўлибди.
- Меҳнатим орқали қадр топишни хоҳлайман, - дейди Гулчеҳра. - Исботи эса, вилоят ҳокимини хабар олиши билан бир қаторда кечагина университетга қабул қилинганим ҳам катта қадрдир.
Вилоят ҳокими ҳаётини севувчи бу қизга хирмонга қўшаётган ҳиссаси учун миннатдорчилик сифатида совға-саломлар улашди.
Эслатиб ўтамиз, аввалроқ, 75 ёшида меҳнат қилиб, барчага ўрнак кўрсатаётган шаҳрисабзлик Малика момо Абдуллаева ҳам вилоят ҳокимининг эътирофига сазовор бўлган эди.