Интернет тармоқларида икки ИИБ ходими бир нафар фуқарони мажбурлаб хизмат машинасига чиқаришаётгани тасвирланган видео тарқалди.
Унда фуқаро "Олиб кетолмайсан, машинага минмайман" деса, форма кийганлар икки томондан уни судраб машинагача олиб боришгани акс эттирилган.
Аслида воқеа қандай юз берган, нега бундай ҳолат бўлганига Қашқадарё вилоят ИИБ Ахборот хизмати. расмий изоҳ берди.
"2020 йил 20 сентябр куни вилоят ИИБ ЙҲХБ ЙПХ махсус отряд командири ўринбосари томонидан тасдиқланган кунлик хизмат тақсимотига асосан, жамоат тартибини сақлаш, фуқаролар хавфсизлигини таъминлаш, йўл ҳаракат хавфсизлигини таъминлаш, йўл транспорт ходисаларини олдини олиш ва қоидабузар ҳайдовчиларни аниқлаш мақсадида Қарши шаҳар А.Темур ва Қарлиқбоғот кўчалари кесишмаси яъни (113) постда хизматга жалб қилинган вилоят ИИБ ЙҲХБ ЙПХБ махсус отряди 3-сафарбарлик гуруҳи ЙПХ инспектори сержант Қ.Ж шу куни соат 14:20 ларда Қарлиқбоғот кўчаси ва А.Темур кўчаси кесишмасида ўрнатилган севетафорнинг қизил чироғига амал қилмасдан харакатланиб келаётган “Матиз” русумли 70/ 969 ТТС давлат рақам белгили автомашинасига белгиланган тартибда тўхташ ишорасини бериб, автомашина ёнига бориб ҳайдовчисига ўзини таништириб қоида бузарлиги юзасидан тушунча бериб, автомашина бошқариш ҳуқуқини берувчи мъёрий ҳужжатларини талаб қилиб олиб ҳайдовчига қоида бузарлиги юзасидан маъмурий баённомани расмийлаштираётганида фуқаро Н.З ЙПХ ходими Ж.Қ.ни хизмат фаолятига фаол қаршилик кўрсатиб ён атрофдаги оммани ўзига қаратиб хар хил сўзлар билан қўпол муносабатда бўлганидан сўнг ЙПХ ходими томонидан ушбу фуқарони Қарши шаҳар ИИО ФМБ бўлимига таклиф қилинганида қаршилик кўрсатганлиги бўйча Вилоят ИИБ ЖТСБ ППХ ходимларини ёрдамга чақириб фуқаро З.Н.ни харакатлари юзасидан Қарши шаҳар ИИО ФМБ бўлимига таъминланганлиги, фуқаро З.Н.нинг харакатлари юзасидан белигиланган тартибда хужжатлар расмийлаштирилиб профилактика инспектори томонидан Маъмурий ишлар бўйча Қарши шаҳар судига юборилган" дейилади муносабатда.
