Сал аввал кириш имтиҳонларида 189 балл тўплаб контрактга тушган абитуриентлар натижаси қайта ҳисобланиб, улар бюджетга киргани хабар қилинган эди.
Айни пайтда ДТМ сайтидаги ўтиш баллари саҳифасида ҳам ўзгариш юз берган. Бу ҳақда блогер Хушнудбек ёзмоқда.
"Масалан, Тошкент давлат юридик университети мисолида оладиган бўлсак, аввал давлат гранти учун ўтиш баллари 2 та факультетда кўрсатилмаган, шунчаки чизиқча қўйилган эди. Чунки ўша йўналишларда квота доирасида спортчилар имтиёзли қабул қилинганди. Ана энди улар квотадан ташқарига олиб ўтилгандан кейин, давлат гранти учун ўтиш бали 189 балл деб белгиланган. Демак, 189 балл олганларнинг барчаси грантга қабул қилинган.
Яна бир муҳим томони, контракт учун ҳам кириш баллари бироз пастлаган. Яъни спортчилар квотадан ташқарига олиб ўтилгани натижасида контракт чизиғининг тагида турган ва озгина бали етмай қолган абитуриентлар мандат чизиғида юқорига кўтарилиб, контракт асосида қабул қилинган.
Шунинг учун мандат чизиғи тагида турган абитуриентлар яна бир бор ўз натижаларини қайта текшириб қўйишларини сўраган бўлар эдим.
Бугун кўпчиликнинг уйида қўчқорлар сўйиладиганга ўхшайди", - хуш кайфият билан изоҳини якунлаган блогер.
