Аҳолидан келиб тушган ушбу саволга АОКАда ўтказилган брифингда Коронавирусга қарши кураш штаби аъзоси Нурмат Отабеков қуйидагича жавоб берди:
"--Албатта, мумкин. Бу каби ҳолатларни инкор қилиб бўлмайди. Шифохонадан чиққан беморларда коронавирус касаллиги клиник белгилари тўлиқ йўқолган бўлса-да, ташқарига вирус чиқаришда давом этиши мумкин.
Шунинг учун ҳам касалликдан соғайган шахслар яна икки ҳафта мобайнида кузатувда бўлиши ва атрофдагиларга касаллик юқиб қолишининг олдини олишга қаратилган тадбирларга риоя этишлари шарт."
