Бугун Қозоғистон пойтахти Нур-Султон шаҳрида биринчи қор ёғди. Бу ҳақда Платформа ёзмоқда.
Метеорологлар ушбу мамлакатда 7-8 октябрь куни ҳаво ҳарорати минус даражагача тушиб кетиши, шимолий ва шарқий ҳудудларда ёмғир ва қор ёғишини маълум қилишганди.
«Ўзгидромет»нинг прогнозларига кўра эса, Ўзбекистон ҳудудларида 8-11 октябрь кунлари ҳаво ўзгариб туради, аммо ёғингарчилик кутилмайди.
Фақат республиканинг тоғли ҳудудларида ҳарорат кечаси 4° совуқ — 1° илиқ, кундузи 6 — 11° илиқ бўлиши айтилган.
