Ўзбекистонлик ҳужумчи Элдор Шомуродов «Женоа»да ўзига рақам танлади

Элдор Шомуродов «Женоа»да 9-рақамда ўйнамайди. Унинг янги рақами «Ростов» билан боғлиқ

Футболчи генуяликлар сафида 61-рақам остида ҳаракат қилади. Эътиборли жиҳати, 61 — Ростов вилоятининг рақамли коди ҳисобланади.

Элдорнинг собиқ жамоаси «Ростов» бунга ўз муносабатини билдирди.

«Мен ҳар доим ‘Ростов’ мухлиси билан қоламан», — Элдор Шомуродов шу сўзлар билан клубимиз билан хайрлашганди.

Ҳозир эса у бизни унутмаган ҳолда «Женоа»да ўзига янги рақам танлади. 61 — Ростов вилоятининг регионал коди ҳисобланади. Элдор энди айнан шу рақамда ҳаракат қилади».

            «Ростов» матбуот хизмати