Телеграм ижтимоий тармоғидаги Platformauz каналида «Ўзбеккино» МА томонидан қайта таъмирланган Алишер Навоий номидаги киносарой ҳақида мақола эълон қилинди. Унда киносарой автосалонга айланиб қолингани айтилган.
«Ўзбеккино» МА Ахборот хизмати ушбу мақола юзасидан муносабат билдирди.
Унда айтилишича, киносаройда кино атмосфераси ва руҳиятини тўлиқ очиб бериш учун кинотеатрга кўплаб ўзгартиришлар киритилган. Ретро автомобиллар орқасидаги ўзбек классикаси, кино индустрияси ҳақида маълумот берадиган фотоэкспозициялар мавжуд. Ушбу ретро автомобиллардан айримлари фильмларда фойдаланилган. Ретро автомобиллар ҳукумат томонидан тақдим этилган.
1 ва 2 қаватда ўзбек киносининг дурдона асарлари ҳақида маълумот берувчи бурчаклар ташкил этилган. Шунингдек, "қизил йўлак" ҳам ушбу кинотеатрга ўзига хос руҳиятни бермоқда. Яна 2020 йилда тақдим этилиши кутилган фильмларнинг постерлари жойлаштирилган.
«Ўзбеккино» МА Ахборот хизмати Platformauz каналининг модераторларини ўзгаришларга шахсан гувоҳ бўлиши учун киносаройга ташриф буюриб, «Ибрат» фильмини томоша қилишга таклиф қилди.
