Қирғизистонда бўлиб ўтган сайловлар ва улардан кейинги қўзғолон ҳақида, намойишчилар мамлакатнинг собиқ президентини озод қилишгани ҳақида аввалроқ хабарлар берган эдик.
Мамлакатнинг амалдаги президенти Соранбай Женбеков жума кунидан бошлаб пойтахт Бишкекда фавқулодда ҳолат эълон қилди ва ҳарбийларга тартибсизликларни бостиришга буйруқ берди.
Шу воқеалардан кейин Қирғизистон собиқ президенти Алмазбек Атамбоев қўлга олинди.
Қирғизистонда собиқ президент Алмазбек Атамбаевнинг ўғиллари Қодир ва Сейид Атамбаев ҳам ҳибсга олингани айтилмоқда. Бу ҳақда Қирғизистон янгиликлари канали – “AKIpress” хабар берди.
Таъкидланишича, улар республика Ички ишлар вазирлиги тергов хизматига етказилган.
Маълумки, 2017 йилда Атамбаев ҳокимиятни вориси ва энг яқин иттифоқчиси Сооронбай Жеенбековга топширди. Кўп ўтмай, собиқ давлат раҳбарининг жамоа аъзоларига қарши жиноий ишлар очилди. Атамбаев собиқ президент мақомидан маҳрум қилиниб, оғир жиноятлар содир этганликда айбланиб қамоққа ҳукм қилинган.
