Дори воситаларини яширинча олиб киришга бўлган уриниш фош бўлди

Дори воситаларини яширинча олиб киришга бўлган уриниш фош бўлди. Бу ҳақда Давлат Божхона қўмитаси Ахборот хизмати хабар бермоқда.

Сифати кафолатланмаган дори воситаларининг ноқонуний айланмасига қарши божхона органлари томонидан тизимли равишда кураш олиб борилмоқда. 

Тошкент вилояти божхона бошқармаси “С.Нажимов” чегара божхона постига қўшни давлатдан кириб келган фуқаро Т.И. бошқарувидаги “Renault” русумли автотранспорт воситаси божхона кўригидан ўтказилди. 

Натижада, автомашина кабина қисмида божхона декларациясида кўрсатилмаган ва оғзаки сўровда айтилмаган умумий қиймати 10,3 миллион сўмлик 29 дона парранда қушлар учун мўлжалланган дори воситалари борлиги маълум бўлди. 

Ҳозирда юқоридаги ҳолатлар юзасидан божхона органлари томонидан суриштирув ҳаракатлари давом эттирилмоқда.