Тибо Куртуа: Роналду — бу куч ва тезлик, Месси ундан бироз иқтидорлироқ

«Реал» дарвозабони Тибо Куртуа «Ювентус» ҳужумчиси Криштиану Роналду ва «Барселона» сардори Лионель Месси ҳақидаги фикрлари билан ўртоқлашди.

«Менимча, уларнинг иккиси ҳам бошқа оламдан. Криштиану — бу кўпроқ атлетизм, куч, тезлик. Унда гол сезиш қобилияти бор, у позиция танлашни билади.

Бу Мессига ҳам тааллуқли. У бироз иқтидорлироқ, кутилмаганда алдашга киришиши ва тўрт ҳимоячини ортда қолдириши мумкин...

Бироқ уларни солиштириш керак эмас ва мен улардан қайси билан кучли эканини айта олмайман. Уларга қарши ўйнаганимдан фахрланаман. Албатта, уларнинг иккиси ҳам менга гол урган», — дейди Куртуа.