"Ўзбеккино" Mиллий агентлиги Ахборот хизматининг хабар беришича, Ўзбекистонлик 4 нафар ёш режиссёрлар DigiCon6 Asia-2020 халқаро қисқа метражли фильмлар фестивалининг минтақавий саралаш босқичининг ғолибларига айланишди.
Аввалроқ “Ўзбеккино” Миллий агентлигида Япониянинг DigiCon6 Asia-2020 халқаро қисқа метражли фильмлар фестивалида иштирок этиш учун саралаш босқичи бўлиб ўтгани ҳақида хабар берилган эди.
Мазкур фестивалнинг 22-кўриги Япониянинг Токио шаҳрида ноябрь ойида бўлиб ўтади, унда “Ўзбеккино” Миллий агентлигида саралаб олинган фильмлар иштирок этади. Аброр Самуғжонов “Қурт” фильми учун, Саидаълохон Маъсудхонов “Лариса” фильми учун, Асадулла Абдуллаев “Концерт” фильми учун, Мафтуна Эргашева “Ер қадри” фильми учун махсус дипломлар Япониядан юборилди.
