Тошкент вилоятидаги учта хонадонда содир бўлган ёнғин бартараф этилди дея, хабар бермоқда ФВВ.
Ҳодиса бугун, 20 октябрь куни Зангиота туманида жойлашган «Алоқа» МФЙ ҳудудида содир бўлган. Соат 07:19 да бир неча дақиқа фарқи билан қўшни бўлган учта уйда кетма-кет ёнғин содир бўлган.
Воқеа жойига зудлик билан Тошкент вилояти ФВБ қутқарувчилари етиб келган. Соат 08:05 да ёнғин ўраб олинган бўлса, 08:33 да уни тўлиқ бартараф қилишга эришилди. Ёнғин ҳодисаси уйларнинг 400 кв. м. қисмига зарар етказган. Ёнғин оқибатида жабрланган ва ҳалок бўлган фуқаролар аниқланмаган, дейилади хабарда.
