Ўзбекистон олтин сотиш бўйича яна етакчига айланди

Ўзбекистон июль-сентябрь ойларида 35 тонна олтин сотиб, бу борада дунёда етакчига айланди. Ушбу кўрсаткич бўйича иккинчи ўринни Туркия эгаллаб турибди.

Жаҳон олтин кенгаши (WGC) маълумотларига кўра, йилнинг III чорагида Ўзбекистон олтин сотиш бўйича етакчи ўринни эгаллади. Бу вақт оралиғида Марказий банк 35 тонна олтин сотган.

Бундан аввал, Ўзбекистон июль ойида олтин сотиш бўйича мутлақ етакчига айлангани ҳақида хабар берган эдик. Марказий банк июль ойининг ўзидаёқ 11,6 тонна миқдорда олтин сотди.

Шунингдек, Ўзбекистон август ойида 2,5 млрд АҚШ долларидан зиёд суммага олтин экспорт қилган.

Бунинг натижасида, Ўзбекистоннинг расмий захира активлари иккинчи ой кетма-кет камайиб, ҳозирда 33,4 млрд долларни ташкил қилмоқда.