Пандемия сабабли Европадаги айрим университетлар талабалар етишмовчилигига дуч келишди

Ирландиянинг энг йирик университетлари халқаро талабалар етишмаётганлигидан шикоят қилишмоқда.

“Journal” янгиликлар портали хабарига кўра, ёзги таътил вақтида уйларига кетишган минглаб талабалар виза ҳамда бошқа бюрократик тўсиқлар туфайли эндиликда мамлакатга қайта олишмаяпти. 

Таъкидланишича, қийинчиликлар, аввало, Лотин Америкаси ҳамда Осиёдан келадиган талабаларда юзага келмоқда.

Қайд этилишича, ушбу ҳолат сабаб маҳаллий университетлар ўн миллионлаб евро йўқотишлари мумкин. Чунки ҳар бир чет эллик талаба бир семестр учун тахминан ўртача ҳисобда 7 минг евро тўлайди.