Мамлакатимизда газ танқис бўлган ҳудудларда куз-қиш мавсуми олдидан аҳоли ўтин ва кўмир ғамлаб қўйишга киришган. Ушбу фурсатдан фойдаланиб, айрим ноинсоф "тадбиркорлар" жиноят йўли билан ўтин бизнесига киришиб кетди. Улар кўп сонли дарахтларни кесиб, машиналарга ортиб қочаётганда ИИБ ходимлари томонидан тақиб қилинди. Бу воқеа Бухоро вилоятида содир бўлгани айтилмоқда.
Яъни вилоятда ўтказилган махсус рейд жараёнида дарахтларни ноқонуний кесиб, юк машиналарида ташиб кетаётган шахслар аниқланган.
Ушбу ҳолат бўйича ижтимоий тармоқларда видео тарқалди. Унда ноқонуний ўтинчилар кесилган дарахтларни бир неча "Газ-53" машинасига ортиб юқори тезлликда қочаётгани акс этган. Юк автомашинасининг тезлиги камида 100 км.экани айтилмоқда.
Бу воқеанинг нима билан якунлангани бизга қоронғу. Бунга масъул органлар аниқлик киритади, деб умид қиламиз. Видео:
