Ижтимоий тармоқларда 3 нафар қиз катта кўчада жанжаллашиб, бир-бирини дўппослагани акс этган видео тарқалди.
Катта йўлда "томоша" кўрсатган кап-катта қизлар икки киши бўлиб бир қизни калтаклаган, уят сўзлар билан бир-бирини сўккан. Яхшиям уларнинг сўкингани овозли маскировка қилинган.
Видеони улашган militsiya.uzb телеграм канали ёзишича бу ҳодиса Фарғона вилоятидa содир бўлган.
Жамоат тартибини бузиб, катта кўчада тўполон кўтарган қизларнинг шахсияти, нимани ёки кимни талашгани номаълум. Видео:
Сўнгги пайтда Фарғонада эркакшода қизлар кўпайиб қолганми? Бунга нима сабаб бўлмоқда? Тармоқларга қўйилаётган видеолавҳалар шундай хулосага сабаб бўлмоқда. Бундай аёвсиз жанжаллар нохуш оқибатларга ҳам олиб келиши мумкин.
Ушбу ҳолатда ҳам қиз бола ўз жинсдошининг қўлини синдиришига оз қолди. Балки ҳудуддаги жамоатчилик, масъул органлар бу вазиятга ойдинлик киритишар...
