Тошкент вилоятининг Янгийўл туманида ўзини Ўзбекистон Республикаси Президенти Администрацияси вакили деб таништирган, 1984 йилда Андижон вилоятида туғилган Э.К. исмли фуқаро қўлга олинди. Бу ҳақда ИИВ Ахборот хизмати хабар қилди.
Аниқланишича, мазкур шахс ўзини Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигидан эканлигини, Янгийўл туман ҳокимлиги масъул ходимининг уйи кузатувда экани, махфий тадбир ўтказиш учун келганини ҳуқуқни муҳофаза қилувчи идора вакилларига айтиб, қора рангли “Ласетти” автомашинасини тўхтатиб, ҳамкорликда тинтув ўтказишга ҳаракат қилган.
Текширув давомида ушбу шахснинг ёнидан “Ўзбекистон Республикаси Президенти администрацияси ҳузуридаги Ахборот ва оммавий коммуникациялар агентлиги” деган сохта ёзув киритилган, давлат герби ва байроғи туширилган RB №25 тартиб рақамли хизмат гувоҳномаси ва RB №20 тартиб рақамли “Замондош” журнали мухбири гувоҳномаси, икки дона, “Редми 4х” ва “Inoi” телефон аппарати ва бир дона ўткир тиғли пичоқ расмийлаштириб олинган.
Маълумот учун, Э.К. жорий йилнинг 15 июль куни ҳам фирибгарлик аломатлари билан Бухоро вилояти Олот тумани ИИБ томонидан ушланган бўлиб, унга нисбатан Ўзбекистон Республикаси Маъмурий жавобгарлик тўғрисидаги кодекснинг 200-моддаси билан иш қўзғатилган ва судга оширилган. Лекин ушбу шахс суд жараёни якунига етмасдан, ўзига тегишли хулоса чиқармаган ҳолда такрорий қинғир ишга қўл урган.
Мазкур ҳолат юзасидан Э.К. Жиноят кодексининг 228-моддаси 2-қисми “б” бандида кўрсатилган жиноятни содир этганликда гумон қилинмоқда. Ҳозирда Янгийўл туман ИИБ ҳузуридаги тергов бўлими томонидан дастлабки тергов ҳаракатлари олиб борилмоқда.
18.08.2023, 10:55
Аввал хабар қилганимиздек, кеча, 17 август куни Халқ депутатлари Янгийўл тумани Кенгашининг навбатдан ташқари сессиясида туманга Атоуллаев Одилжон Касимович янги ҳоким этиб тайинланди. Тошкент вилояти ҳокимлиги...
14.09.2021, 10:51
Янгийўл шаҳари марказида жойлашган Деҳқон бозорида ўтказилган назорат тадбирлари давомида фуқаролар А.Умаров ва З.Зайниддиновлар 137 кг ветеринария маълумотномалари бўлмаган парранда ички аъзоларини, санитария қоидаларига зид...
16.04.2021, 15:41
Жорий йилнинг 16 апрель куни соат 10:35ларда, Тошкент вилояти, Янгийўл тумани, Нуробод МФЙ ҳудудидан ўтган М-39 автомобиль йўлининг 832-километрида фуқаро Ж.Қ.га тегишли бўлган "ЗИЛ-130" русумли...
11.03.2021, 15:25
Кадастр агентлигининг Тошкент вилояти, Янгийўл туман бўлими бошлиғи вазифасини вақтинча бажарувчи С.Ж. “R.M.” МЧЖ томонидан қурилган “Автомобилларга газ тўлдириш компрессор” шаҳобча биносининг кадастр ҳужжатларини тайёрлаб...
