20 ноябрь куни "Ҳурматли Метрополитен! Йўловчиларга яна қанча ҳурматсизлик қиласиз?" сарлавҳали мақола эълон қилган эдик. 24 сентябрдан бери ёпилган Тошкент метроси вестибюлларининг қачон очилиши аҳолига номаълум бўлиб қолаётганди. Бугун "Тошкент метрополитени" УК расмий сайтида бу муддатларга ойдинлик киритилди.
"Хабарингиз бор, жорий йилнинг 24 сентябр куни Тошкент метрополитени бекатларидаги 17 та вестибюль вақтинча ёпилганлиги ҳақида хабар берган эдик. Aйни пайтда уларнинг саккизтаси йўловчиларни қабул қилмоқда. Қуйидаги 9 та вестебюл техник сабабларига кўра ёпиқлигича қолмоқда:
"Ҳамид Олимжон" бекати – "Миллий" банки томонидаги вестибюль;
"Aмир Темур Хиёбони" бекати – 50-мактаб ёнидаги вестибюль;
"Мирзо Улуғбек" бекати – "Миллий" стадиони тарафидаги вестибюль;
"Тошкент" бекати – Бош почтампт томонидаги вестибюль;
"Ойбек" бекати – Фармацевтика институти томонидаги вестибюль;
"Космонавтлар" бекати – Ўзбекистон Республикаси ИИВ томонидаги вестибюль;
"Aбдулла Қодирий" бекати – Гёте институти ёнидаги вестибюль;
"Минор" бекати – Молия институти томонидаги вестибюль;
"Мустақиллик майдони" бекати – "Мустақиллик майдони" томонидаги вестибюль.
Шу билан бирга, "Тошкент метрополитени" УК 2020 йилнинг 10 декабригача пойтахт метрополитени барча вестибюлларининг босқичма-босқич очилишини маълум қилади", - дейилади хабарда.
Сардорбек Раҳмонқулов тайёрлади
