Қўшма Штатлардаги президентлик сайловларида ғалаба қозонганини эълон қилган Жо Байден мамлакат бошида турган биринчи юз кунни миграция ислоҳоти ва коронавирусга қарши курашга бағишлашини айтди.
"Мен Сенатга ҳужжатсиз бўлган 11 миллион киши учун фуқаролик эшигини очадиган иммигрантлар тўғрисидаги қонунни юбораман", деди у деб ёзмоқда Риа Новоости.
Сиёсатчи АҚШнинг амалдаги президенти Доналд Трампнинг баъзи фармонларини бекор қилишни ният қилганлигини қўшимча қилди.
Байден, шунингдек, Трампга қарши терговни бошламаслигини айтди ва диққатини Америка жамиятида ишончни тиклашга қаратишга ваъда берди.
Шу билан бирга, сиёсатчи саккиз йил давомида вице-президент бўлиб ишлаган Барак Обаманинг "учинчи муддати" бўлмайди, деб таъкидлади. "Биз бутунлай бошқа дунёга дуч келмоқдамиз. Президент Трамп манзарани ўзгартирди. Энди бу биринчи Америка, яъни Американинг ўзи", - дея қўшимча қилди Байден.
Эслатиб ўтамиз, АҚШда президент сайловлари 3 ноябрь куни бўлиб ўтди, аммо уларнинг якуний натижалари ҳали расман эълон қилинмади. Америка оммавий ахборот воситаларининг хабарларига кўра, демократ Байден ғалаба қозониш учун етарли миқдордаги сайловчилар овозини қўлга киритган. Бир неча дунё раҳбарлари уни аллақачон табриклашган ҳам.
Ўтган кун ичида бирданига учта асосий штат - Пенсилвания (20 сайловчи), Мичиган (16) ва Невада (6) Байденнинг ғалабасини тасдиқлади.
Трамп рақибларини "сайловларни ўғирлашга" уринишда айбламоқда. Президент адвокати Руди Джулианининг айтишича, овоз беришдаги қонунбузарликлар тизимли бўлган. Шу билан бирга, Оқ уйнинг амалдаги эгаси аллақачон Байденга ҳокимиятни топширишни буюрган.
Кейинги давлат раҳбари 2021 йил 20 январда қасамёд келтиради.
