Покистон шимоли-ғарбидаги Чарсадда шаҳрида жойлашган университетга 19 январь, чоршанба куни эрталаб бир нечта қуролланган шахслар томонидан ҳужум уюштирилди. Бу ҳақда “РИА Новости” хабар бермоқда.
Полиция берган маълумотларга кўра, қуролланган шахслар тўрт нафар бўлган. Аммо кейинроқ житноятчиларнинг саккиз киши бўлганлиги аниқланган.
Ҳужум оқибатида ҳалок бўлганлар сони 25 тага етганлиги маълум қилинди. Бу ҳақда мамлакат ахборот вазири Шавкат Юсуфзай баёнот берган.
Аввалроқ маҳаллий полиция ҳужум қурбонлари сони 21 киши бўлганлигини айтган эди. Бундан ташқари, 50 кишининг жароҳатлангани ҳам таъкидланмоқда.
Ҳужум учун жавобгарликни “Толибон” террорчилик ташкилотининг Покистон бўлинмаси ўз зиммасига олган. полиция томонидан ҳужум уюштирган террорчиларнинг тўрт нафари йўқ қилинган.
