Буюк Британия AҚШнинг "Pfizer" ва Германиянинг "BioNTech" компаниялари томонидан ҳамкорликда яратилган коронавирусга қарши вакцинани маъқуллаган дунёдаги биринчи давлат бўлди. Бу ҳақда BBC news маълумотларига кўра Meduza хабар берди.
Мамлакат расмийлари аллақачон ишлаб чиқарувчиларга 40 миллион доза миқдордаги вакцинани буюртма қилган.
Мамлакатда ваксинадан фойдаланиш келаси ҳафтадан бошланади, дея хабар беради Буюк Британия Соғлиқни сақлаш вазирлиги. Бир неча ойлик клиник синовлардан сўнг, агентлик мутахассислари ваксина "қатъий хавфсизлик, сифат ва самарадорлик стандартларига жавоб беради" деган хулосага келишди.
Pfizer ва BioNTech илгари уларнинг BNT162b2 ваксинаси III босқич синовларида 95% самарали бўлганлиги ҳақида хабар беришганди. (Таққослаш учун: Россиянинг Sputnik V ишлаб чиқарувчилари ўз вакциналарининг самарадорлигини 92% га, Aмериканинг Moderna компанияси 94,1% ga va AstraZeneca компанияси 70% га баҳолашди.)
Pfizer ва BioNTech ҳамкорликда яратган вакцинасини рўйхатдан ўтказиш учун AҚШ ариза беришди.
Жонс Хопкинс университети маълумотларига кўра, Буюк Британия коронавирус инфекциясининг тарқалиши бўйича дунё статистикасида еттинчи ўринда туради. Умуман олганда, мамлакатда 1,6 миллиондан ортиқ одам вирус юқтирган. Буюк Британияда ковиддан 59 минг киши вафот этди.
