Анваров Шукуруллохон Махсудхон ўғли Ўзбекистон Ёшлар иттифоқи Тошкент шаҳар кенгаши раиси лавозимига сайланди. Бу ҳақда ЎзА хабар берди.
Ш.Анваров 1994 йил Тошкент шаҳрида туғилган. Мирзо Улуғбек номидаги Ўзбекистон Миллий университетининг магистратура босқичини тамомлаган. Фаолиятини Ёшлар иттифоқи бошланғич ташкилоти етакчилигидан бошлаган.
Ш.Анваров бунга қадар Ўзбекистон Ёшлар иттифоқи марказий кенгашида бўлим бошлиғи лавозимида ишлаган.
