Меҳр операцияси бўйича аёллар ва болалардан ташқари эркаклар ҳам қайтадими? Ушбу саволга АОКА штабида бўлиб ўтган анжуманда Вазирлар Маҳкамаси ҳузуридаги Дин ишлари бўйича қўмита раисининг биринчи ўринбосари Музаффар Комилов жавоб берди.
— Ушбу операция давомида биринчи навбатда энг муҳтож бўлган болалар ва аёллар олиб келиняпти. Эркаклар борасида ўрганиш керак бўлган жиҳатлар бор. Агарки уларнинг қўли қон бўлмаса, кимнингдир қотили бўлмаса, вақти келиб, Ватанга албатта қайтади.
