Айни пайтда Фарғона шаҳар ҳокими Хабибидинов Хамид Исмаилович Фарғона шаҳрининг 2020 йилги ижтимоий-иқтисодий ривожланиш якунларига ҳамда келгуси йилги режаларга бағишланган аҳолига мурожаатномасини ўқиб эшиттиряпти. Сессияда иштирок этаётган “Даракчи” мухбири Хамид Хабибидиновнинг Фарғона шаҳри бюджет тушумлари бўйича берган маълумотларига эътибор қаратди.
Ҳокимнинг келтирилишича, ўтган 9 ойда тармоқларнинг шаҳар иқтисодиётидаги улушлари рейтинглари қуйидагича:
- Саноат маҳсулотлари ишлаб чиқариш 4,9 трлн. сўм. Ўтган йилга нисбатан 100,1 фоизга ўсиш.
- Хизмат кўрсатиш – 4,5 трлн. сўм. Ўсиш эса 104,4 фоиз.
- Чакана товар айланмаси 2,6 трлн. сўмни ташкил қилиб, ўтган йилга нисбатан 98,3 фоизниташкил этган. Бунинг сабаби, пандемия даврида карантин чекловлари сабаб, савдо корхоналари фаолиятига ўз таъсирини ўтказди, ҳозирда ушбу йўналишда бир нечта янги савдо йўналишидаги корхоналар очилди, йил якунига қадар режани ортиғи билан бажариш режалаштириб олинган.
- Қурилиш ишлари 1,0 трлн. сўмни ташкил қилиб, ўтган йилга нисбатан 117,8 фоизни ташкил этди.
- Қишлоқ хўжалиги маҳсулотлари 570,5 млрд. сўмни ташкил қилиб, ўтган йилга нисбатан 102,6 фоизга ўсиш кузатилган.
Шунингдек, коронавирус пандемияси даврида кичик бизнес, оилавий тадбиркорлик, ҳунармандчилик, туризм ва хизматлар соҳасига иқтисодий кўмак бериш мақсадида, 32 722 та ҳолатда 2,5 трлн.сўмлик кредит маблағлари ажратилган бўлиб, кредит маблағлари:
- саноат йўналишига 1,2 трлн.сўм;
- қурилиш йўналишига 550 млрд.сўм;
- хизмат кўрсатишга 205 млрд.сўм;
- савдо йўналишга 520 млрд.сўмни ташкил этган.
Сардорбек РАҲМОНҚУЛОВ
