Япония кўчаларида Ўзбекистон тасвири туширилган автобус йўловчиларга хизмат кўрсатмоқда.
Бу автобусни Япониянинг Нагоя шаҳрида учратишингиз мумкин.
2020 йил 19 декабрда Нагояда Тошкент кунлари нишонланади. Шу муносабат билан Нагоя шаҳар мерияси томонидан жамоат транспорти бўлган автобус, Ўзбекистонинг туризм салоҳиятини тарғиб этувчи дизайнда тайёрланди.
Чет элда ватанимиз тасвирлари туширилган автобус у ерда ўқиб ёки ишлаб юрган ҳамюртларимизнинг кўзларини қувонтирмоқда ва японияликларнинг Ўзбекистонга бўлган қизиқишларини оширмоқда.
