АҚШда сайловчилар коллегияси Жо Байденнинг мамлакат президентлигига сайланганлигини тасдиқлади.
Демократлар партиясидан номзод ғолиб бўлиш учун зарур бўлган 270 га қарши 306, ҳозирги президент Доналд Трамп эса 232 овоз олди. 20 январь куни Вашингтонда бўлиб ўтадиган инаугурация маросимида Демократик партиянинг вакили Жо Байден АҚШнинг 46-президенти лавозимига киришади.
Эслатиб ўтамиз, Барак Обама даврида у вице-президент бўлиб ишлаган. Айни пайтда эса Камала Харрис вице-президент бўлиб сайланди.
